Thursday, December 25, 2014

ஹிந்து மதத்தின் மீது விஷத்தை கக்கும் ஆனந்த விகடன்

எப்போதும் ஹிந்து மதத்தின் மீது விஷத்தை கக்கும் ananda vikatan - ஆனந்த விகடன்  வழக்கம் போல்  இந்த முறையும் கக்கி உள்ளது. அமைதியாக இருக்கும் தமிழகத்தில் என்னமோ ஹிந்து மத அமைப்பால் மட்டும் தான் ஊறு வந்தது போல் எழுதி இருக்கிறது. கோயம்புத்தூர் குண்டு வெடிப்பும, மண்டைக்காடு கலவரமும் விகடன் குழுமத்திற்கு மறந்து விட்டது போலும், தொடர்ச்சியாக ஹிந்து மத அமைப்பின் தலைவர்கள் கொல்ல பட்டதும் என்ன உட் கட்சி சண்டையிலா?

ராஜராஜ சோழன் என்ன விகடன் வீட்டு சொத்தா அல்லது தமிழ் தேசிய அமைப்பின் சொத்தா?,  தமிழ் மன்னனுக்கு விழா எடுக்க ஒருவருக்கும் துப்பில்லை , ஆர் ஸ் ஸ் எடுத்தால் , அவர்கள் எடுத்த நோக்கத்தை கொச்சைபடுத்தி எழுதிக் கொண்டு இருக்கிறார்கள்.

தருண் விஜய் ஆட்சியில் இல்லாத போதே , தமிழ் மொழியின் பெருமை பற்றி பேசிக் கொண்டு இருந்தார். என்னமோ இப்பொழுது தான் பேசுவது போல் விகடன் எழுதிக் கொண்டு உள்ளது.

எங்கோ எடுத்த படத்திற்கு, இங்கே உள்ள அமெரிக்க தூதரகத்தை , இஸ்லாமிய அமைப்புகள் தாக்கிய போது, அதை கண்டித்த தினமணி பத்திரிகை மிரட்டப்பட்டது. விகடன் மௌனம் சாதித்தது. எங்கே போனது வீரம்.

ஆர் ஸ் ஸ் -ன் ஊர்வலத்தை நீதிமன்றம் அனுமதித்த பிறகும்,காவல் துறை தடுத்தது தவறு அல்லவா, விகடன் ஒரு வார்த்தை கூட தவறு என்று எழுத வில்லை. அப்பொதும் மௌனம்.

எப்பொதும் ஹிந்து மதத்தையும், அதன் அமைப்புகளையும் விமர்சிப்பது   என்றால் , விகடனிற்கு வீரம் வந்து விடும்.

ஹிந்து மதத்தில் இருந்து கிறிஸ்தவத்திற்கும் , இஸ்லாமியவிற்கும் இதனால் வரை மாறிக் கொண்டு இருந்தது என்பது தானாக நடைபெற்ற செயல் போலவும், மற்ற மதங்களில் இருந்து ஹிந்து மதம் திரும்புதல் , கட்டாய படுத்த நிகழ்வு போல் விகடன் எழுதுகிறது.

சுனாமியின் மீது நடைபெற்ற மத மாற்ற முயற்சிகள் எதுவும் விகடனுக்கு தெரியாது போலும்.

தவறு என்றால் யார் செய்தாலும் தவறு தான். விகடனுக்கு ஹிந்து மதம் மட்டும் தவறு செய்யும் என்று முடிவு செய்து கொண்டு உள்ளது போலும்.

இவ்வளவு துவேஷம் ஹிந்து மதத்தின் மீது வைத்து இருக்கும் , விகடன் எதற்காக Sakthi Vikatan  நடத்துகிறது.  வியாபாரம் செய்ய ஹிந்துக்கள் வேண்டும் அல்லவா.

இந்த விசயத்தில் @குமுதம் ஜோதிடம் - Kumudam Jothidam எப்பொதும் ஹிந்து மதத்திற்கு ஆதரவாக உள்ளது. எந்த மதம் தவறு செய்தாலும் தவறு என்று சொல்கிறது. மத மாற்றத்தை எதிர்த்து எழுதுகிறது.

சிறு வயது முதல் விகடன் படித்து வந்து இருக்கின்றேன். ஆனால் கடந்த சில வருடங்களாக விகடன் ஹிந்து மதம் என்றாலே தவறான எண்ணம் வரும் படி எழுதி கொண்டு உள்ளது. விமர்சனம் தவறு இல்லை. ஆனால் தொடர்ந்து ஒரு மதத்தையும் , அதன் அமைப்புகளையும் மட்டும் குறி வைத்து விமர்சனம் செய்து கொண்டு இருந்தால, இவர்களின் நோக்கம் பற்றி சந்தேகம் எழுகிறது.

ஹிந்துக்கள் தான் முடிவ செய்ய வேண்டும், எந்த இதழுக்கு நாம் ஆதரவு தர வேண்டும் என்று. நம்முடைய ஆதரவில் ஆன்மிக இதழ் நடத்தி வருமானம் சேர்த்து கொண்டு , எப்போதும் நம் மதத்தையும் , நம் மதத்திற்கு துணை நிற்கும் அமைப்புகளை மட்டும் எப்போதும் விமர்சித்து கொண்டு இருக்கும் இதழுக்கு ஆதரவு அளிப்பதா , அல்லது யார் தவறு செய்தாலும் தவறு என்று சொல்லும் இதழுக்கு ஆதரவு அளிப்பதா?

http://www.vikatan.com/new/article.php?module=magazine&aid=102037

No comments:

Post a Comment

கொரோனா வைரஸ்

எப்போதும் போல சுகாதாரமாக இருங்கள். முடிந்த வரை பாலில் மஞ்சள் கலந்து தினமும் பருகுங்கள். நோய் எதிர்ப்பு சக்தியை உங்கள் உடலில் அதிகபடுத்தி க...